Sidan 2005 har Kyrkjemøtet i Den norske kyrkja hatt som mål å samle arbeidsgjevaransvaret for alle som jobbar lokalt i kyrkja. I mars 2021 leverte Müller-Nilssen-utvalet si utgreiing om korleis dette kan sjå ut med ei organisering på prostinivå. Ei organisering på dette nivået er ikkje blitt handsama tidlegare, og difor bad Kyrkjerådet om ei utgreiing av dette nivået.
 
Organisering på prostinivå er no utgreidd. Det som her skal høyrast, er om dette er modellar som kan nyttast for å teikne ut ei ny kyrkjeleg organisering av Den norske kyrkja. Kyrkjerådet sender difor rapporten på høyring for å få tilbakemelding på dei ulike forslaga og modellane som Müller-Nilssen-utvalet gjer greie for. I høyringsnotatet blir hovedlinene i utvalet sin rapport presentert, med tilhøyrande høyringsspørsmål. 
 
Det er laga ei informasjonsside om rapporten, som du finn på kyrkja.no/kirkeligorganisering. Der finn du mellom anna ein informasjonsfilm, svar på ofte stilte spørsmål og meir informasjon.
 
Sjølve høyringa finn du på kyrkja.no/hoeringer.
 
Kommunar og andre offentlege høyringsinstansar får ei avgrensa høyring med frist 15. oktober.

HER FINN DU HØYRINGA