Ei gravferd er ei anledning til å ta farvel, takke for livet som har vore, og til å samlast i sorga.

I kyrkja får du ei personleg avskjed med avdøde gjennom minneord, tekstar, bøner, musikk og salmar.

I daglegtale brukast gravferd om både gravferd og bisetting, og seremoniane i kyrkja er like.

Etter ei bisetting vert avdøde kremert, og etter ei gravferd vert kista med avdøde lagt i jorda. 

 PRAKTISK INFORMASJON

• Dei fleste som syter for ei gravferd vel å engasjere eit gravferdsbyrå. Lokalt har vi to gravferdsbyrå; Sandane gravferdsbyrå(link) og Hjelmeland gravferdsbyrå(link). 
• Dersom det er ønske om DNK si ordning for gravferd, tek gravferdsbyrået kontakt med kyrkja for å avtale tid for gravferdsseremonien og ein av prestane våre kontakt med pårørande for førebuing av gravferda. Gravferdsbyrået avtalar også meg gravplassforvaltinga for opning av kiste eller urnegrav slik at hendingane blir koordinerte.
• Er det ønske om anna type seremoni må ein kontakte kommune eller andre som har tilgjengelig seremonirom.

Tidspunkt for gravferd

• Gravlegging skal skje seinast 10 virkedagar etter dødsfallet dersom avdøde ikkje vert kremert.
• Ved kremasjon må urne settast i jorda innan 6 månader etter dødsfallet.

Rett til å syte for gravferda

• Gravferdslova fastset retten til å syte for gravferd i denne rekkjefølgja; ektefelle, barn, foreldre, besteforeldre, søsken, søsken sine barn og foreldre sine søsken.
• Dersom det før dødsfallet er sett fram skriftleg erklæring om kven som har denne retten, skal denne ha fortrinnsrett.
  

Frigrav

• Alle innbyggjarar i Gloppen kommune har rett til fri gravlegging og fri frå gravleige i 20 år (frigrav).
• Ein kan velje kva gravplass i kommunen ein ønskjer gravlegging, men for å få frigrav gjeld dette der gravplassforvaltinga tilviser grav. Bruk av reservert grav utløyser ikkje rett til frigrav.
• Ein har høve til gjenbruk av eksisterande grav under vilkår av at grava ikkje er i fredingstid (20år), og at festar samtykkjer i at grava kan opnast for gjenbruk.
• Askeurne kan setjast ned i grav som er i fredingstid. 

Utanbygds gravlegging

• Personar som ikkje var busett i kommunen kan gravleggast her. Ein må då betale gravleige og kistenedsetting/urneavgift. (sjå prisliste under)
• Ein må også betale seremoniavgift dersom ein skal ha kyrkjeleg seremoni i samband med gravlegginga.

Bisetting med kremasjon og urnenedsetting

• Urnenedsetting medfører lettare belasting på areal, og mindre kostnad for familien.
• Ein kan sette ned inntil 6 urner på ei kistegrav som allereie er teken i bruk.
• Dersom ein vel å sette urne i ny kistegrav kan ein sette ned inntil 8 urner i denne.

For meir informasjon om gravplassforvaltninga, sjå meny til venstre på startsida.